बुजरी गाणी १०

कसल्यातरी आघातानं एकाएकी मोठं होऊन बसावं लागलेल्या लोकांचं वाढलेलं वय निराळं कळतं. त्या वाढलेल्या वयात राठपणा असतो, पण त्यासोबत येणारी सुंदर नैसर्गिक प्रगल्भता नसते. नुसताच जगाला फसवू शकणारा मुखवटा असतो. काही कारणानं त्याला तडा गेला, की वाढता वाढता थबकून राहिलेलं कोवळं मूल भांबावून बाहेर डोकावू लागतं. नजरेत वयाला न जुमानणारी आर्तता येते. ती या गाण्यातल्या नायकाच्या नजरेत आहे.